Акафист Пресвятой Богородице (Великий акафист, читаемый в субботу Акафиста)

Шрифт

Кондак 1

Взбра́нной Воево́де победи́тельная, я́ко из­ба́вль­ше­ся от злых, бла­го­да́р­ствен­ная воспису́ем Ти раби́ Твои́, Бо­го­ро́­ди­це; но я́ко иму́щая держа́ву непобеди́мую, от вся́­ких нас бед сво­бо­ди́, да зо­ве́м Ти:

ра́­дуй­ся, Не­ве́с­то Не­не­ве́ст­ная.

Икос 1

А́н­гел пред­ста́­тель с Не­бе­се́ по́с­лан бысть ре­щи́ Бо­го­ро́­ди­це: ра́­дуй­ся, и со безпло́тным гла́сом воплоща́ема Тя зря, Го́с­по­ди, ужаса́шеся и стоя́ше, зо­вы́й к Ней та­ко­ва́я:

ра́­дуй­ся, Е́ю­же ра́­дость возсия́ет; ра́­дуй­ся, Е́ю­же кля́тва изче́знет.

Ра́­дуй­ся, па́д­ша­го Ада́ма воззва́ние; ра́­дуй­ся, слез Е́виных из­бав­ле́­ние.

Ра́­дуй­ся, высото́ неудобовосходи́мая челове́ческими по́мыслы; ра́­дуй­ся, глубино́ неудобозри́мая и а́нгельскима очи́­ма.

Ра́­дуй­ся, я́ко еси́ Царе́во седа́лище; ра́­дуй­ся, я́ко но́сиши Но­ся́­ща­го вся.

Ра́­дуй­ся, Звез­до́, яв­ля́ю­щая Со́лн­це; ра́­дуй­ся, утро́бо Бо­же́ст­вен­на­го воплоще́ния.

Ра́­дуй­ся, Е́ю­же обновля́ется тварь; ра́­дуй­ся, Е́ю­же покланя́емся Твор­цу́.

ра́­дуй­ся, Не­ве́с­то Не­не­ве́ст­ная.

Кондак 2

Ви́­дя­щи Свя­та́я Се­бе́ в чис­то­те́, глаго́лет Гаврии́лу де́рзостно: пре­сла́в­ное тво­его́ гла́­са неудобоприя́тельно ду­ши́ Мое́й явля́­ет­ся: безсе́меннаго бо зача́тия рождество́ ка́­ко глаго́леши, зо­вы́й: Алли­лу́иа.

Икос 2

Ра́­зум недоразумева́емый ра­зу­ме́­ти Де́ва и́щу­щи, возо­пи́ к служа́щему: из боку́ чи́сту, Сы́­ну ка́­ко есть роди́тися мо́щно, рцы Ми? К Ней­же он ре­че́ со стра́­хом, оба́­че зо­вы́й си́­це:

ра́­дуй­ся, сове́та не­из­ре­че́н­наго Таи́ннице; ра́­дуй­ся, молча́ния прося́щих ве́ро.

Ра́­дуй­ся, чу­де́с Хри­сто́­вых на­ча́­ло; ра́­дуй­ся, ве­ле́­ний Его́ глави́зно.

Ра́­дуй­ся, ле́ствице не­бе́с­ная, Е́ю­же сни́­де Бог; ра́­дуй­ся, мо́сте, преводя́й су́­щих от зем­ли́ на не́­бо.

Ра́­дуй­ся, А́н­ге­лов многослову́щее чу́­до; ра́­дуй­ся, бесо́в многоплаче́вное пораже́ние.

Ра́­дуй­ся, Свет неизрече́нно ро­ди́в­шая; ра́­дуй­ся, е́же ка́­ко, ни еди́­на­го же научи́вшая.

Ра́­дуй­ся, прему́дрых превосходя́щая ра́­зум; ра́­дуй­ся, ве́р­ных оза­ря́ю­щая смы́слы.

ра́­дуй­ся, Не­ве́с­то Не­не­ве́ст­ная.

Кондак 3

Си́­ла Вы́ш­ня­го осени́ тог­да́ к зача́тию Браконеиску́сную, и благопло́дная Тоя́ ложесна́, я́ко село́ по­ка­за́ сла́дкое, всем хотя́щим жа́ти спа­се́­ние, внег­да́ пе́­ти си́­це: Алли­лу́иа.

Икос 3

Иму́­щи Богоприя́тную Де́ва утро́бу, востече́ ко Елисаве́ти: младе́нец же о́ноя а́бие по­зна́в Сея́ целова́ние, ра́довашеся, и игра́ньми я́ко пе́снь­ми во­пия́­ше к Бо­го­ро́­ди­це:

ра́­дуй­ся, о́трасли не­увя­да́­емыя розго́; ра́­дуй­ся, Плода́ безсме́ртнаго стяжа́ние.

Ра́­дуй­ся, Де́лателя де́лающая Человеколю́бца; ра́­дуй­ся, Сади́теля жи́з­ни на́шея ро́жд­шая.

Ра́­дуй­ся, ни́во, растя́щая гобзова́ние щед­ро́т; ра́­дуй­ся, трапе́зо, нося́щая оби́­лие очище́ния.

Ра́­дуй­ся, я́ко рай пи́щный процвета́еши; ра́­дуй­ся, я́ко при­ста́­ни­ще ду­ша́м гото́виши.

Ра́­дуй­ся, прия́тное мо­ли́т­вы ка­ди́­ло; ра́­дуй­ся, всего́ ми́­ра очи­ще́­ние.

Ра́­дуй­ся, Бо́­жие к сме́ртным благоволе́ние; ра́­дуй­ся, сме́рт­ных к Бо́­гу дерз­но­ве́­ние.

ра́­дуй­ся, Не­ве́с­то Не­не­ве́ст­ная.

Кондак 4

Бу́­рю внутрь име́я по­мыш­ле́­ний су­мни́­тель­ных, целому́дренный Ио́сиф смяте́ся, к Те­бе́ зря небра́чней, и бракоокра́дованную помышля́я, Непоро́чная; уве́­дев же Твое́ зача́тие от Ду́­ха Свя́та, ре­че́: Алли­лу́иа.

Икос 4

Слы́шаша па́стырие А́н­ге­лов пою́щих плотско́е Хрис­то́­во прише́ствие, и те́кше я́ко к Па́­сты­рю ви́дят Се­го́ я́ко а́гнца непоро́чна, во чре́ве Мари́ине упа́сшася, Ю́же пою́­ще ре́ша:

ра́­дуй­ся, А́гнца и Па́стыря Ма́­ти; ра́­дуй­ся, дво́ре слове́сных ове́ц.

Ра́­дуй­ся, не­ви́­ди­мых вра­го́в муче́ние; ра́­дуй­ся, ра́йс­ких две́рей отверзе́ние.

Ра́­дуй­ся, я́ко не­бе́с­ная сра́дуются земны́м; ра́­дуй­ся, я́ко зем­на́я сликовству́ют не­бе́с­ным.

Ра́­дуй­ся, апо́с­то­лов не­мо́лч­ная ус­та́; ра́­дуй­ся, стра­сто­те́рп­цев не­по­бе­ди́­мая де́рзосте.

Ра́­дуй­ся, тве́р­дое ве́­ры утвер­жде́­ние; ра́­дуй­ся, све́т­лое бла­го­да́­ти позна́ние.

Ра́­дуй­ся, Е́ю­же обнажи́ся ад; ра́­дуй­ся, Е́ю­же облеко́хомся сла́­вою.

ра́­дуй­ся, Не­ве́с­то Не­не­ве́ст­ная.

Кондак 5

Боготе́чную звезду́ узре́вше волсви́, тоя́ после́доваша зари́, и я́ко свети́льник держа́ще ю, то́ю испыта́ху кре́пкаго Ца­ря́, и дости́гше Непостижи́маго, воз­ра́­до­ва­ша­ся, Ему́ во­пию́­ще: Алли­лу́иа.

Икос 5

Ви́деша о́т­ро­цы халде́йстии на ру­ку́ Деви́чу Со­зда́в­ша­го рука́ми че­ло­ве́­ки, и Вла­ды́­ку разумева́юще Его́, а́ще и ра́бий прия́т зрак, по­тща́­ша­ся дарми́ послужи́ти Ему́, и возопи́ти Благослове́нней:

ра́­дуй­ся, Звезды́ незаходи́мыя Ма́­ти; ра́­дуй­ся, заре́ та́инственнаго дне.

Ра́­дуй­ся, пре́­лес­ти пещь угаси́вшая; ра́­дуй­ся, Тро́ицы таи́нники про­све­ща́ю­щая.

Ра́­дуй­ся, мучи́теля безчелове́чнаго измета́ющая от нача́льства; ра́­дуй­ся, Го́с­по­да Человеколю́бца показа́вшая Хри­ста́.

Ра́­дуй­ся, ва́рварскаго из­бав­ля́ю­щая слу­же́­ния; ра́­дуй­ся, тиме́ния изыма́ющая дел.

Ра́­дуй­ся, ог­ня́ по­кло­не­ние угаси́вшая; ра́­дуй­ся, пла́мене страс­те́й изменя́ющая.

Ра́­дуй­ся, ве́р­ных нас­та́в­ни­це це­ло­му́д­рия; ра́­дуй­ся, всех ро­до́в ве­се́­лие.

ра́­дуй­ся, Не­ве́с­то Не­не­ве́ст­ная.

Кондак 6

Пропове́дницы богоно́снии, бы́вше волсви́, возврати́шася в Вавило́н, сконча́вше Твое́ проро́чество, и пропове́давше Тя Хри­ста́ всем, оста́виша И́рода я́ко буесло́вна, не ве́дуща пе́­ти: Алли­лу́иа.

Икос 6

Возсия́вый во Еги́пте про­све­ще́­ние и́с­ти­ны, отгна́л еси́ лжи тьму: и́до­ли бо его́, Спа́­се, не тер­пя́­ще Твоея́ кре́­пос­ти, па­до́­ша, сих же изба́вльшиися вопия́ху к Бо­го­ро́­ди­це:

ра́­дуй­ся, ис­прав­ле́­ние че­ло­ве́­ков; ра́­дуй­ся, низпаде́ние бесо́в.

Ра́­дуй­ся, пре́­лес­ти держа́ву попра́вшая; ра́­дуй­ся, и́доль­скую лесть обличи́вшая.

Ра́­дуй­ся, мо́ре, потопи́вшее фарао́на мы́сленнаго; ра́­дуй­ся, ка́­ме­ню, напои́вший жа́ждущия жи́з­ни.

Ра́­дуй­ся, о́гненный сто́л­пе, на­став­ля́яй су́щия во тьме; ра́­дуй­ся, по­кро́­ве ми́­ру, ши́рший о́блака.

Ра́­дуй­ся, пи́­ще, ма́нны прие́мнице; ра́­дуй­ся, сла́дости свя­ты́я служи́тельнице.

Ра́­дуй­ся, земле́ обетова́ния; ра́­дуй­ся, из нея́же тече́т мед и млеко́.

ра́­дуй­ся, Не­ве́с­то Не­не­ве́ст­ная.

Кондак 7

Хо­тя́­щу Симео́ну от ны́нешняго ве́­ка преста́витися преле́стнаго, вда́лся еси́ я́ко младе́нец тому́, но позна́лся еси́ ему́ и Бог со­вер­ше́н­ный. Те́м­же уди­ви́­ся Тво­е́й неизрече́нней пре­му́д­ро­сти, зо­вы́й: Алли­лу́иа.

Икос 7

Но́вую по­ка­за́ тварь, я́вль­ся Зижди́тель нам от Не­го́ бы́вшим, из безсе́менныя прозя́б утро́бы, и сохрани́в Ю, я́ко­же бе, нетле́нну, да чу́­до ви́­дя­ще, воспои́м Ю, во­пию́­ще:

ра́­дуй­ся, цве́­те не­тле́­ния; ра́­дуй­ся, ве́н­че воз­дер­жа́­ния.

Ра́­дуй­ся, воскресе́ния о́б­раз облиста́ющая; ра́­дуй­ся, а́н­гель­ское жи­тие́ яв­ля́ю­щая.

Ра́­дуй­ся, дре́­во светлоплодови́тое, от него́же пита́ются ве́рнии; ра́­дуй­ся, дре́­во бла­го­сен­но­ли́ст­вен­ное, и́м­же покрыва́ются мно́­зи.

Ра́­дуй­ся, во чре́ве нося́щая Изба́вителя плене́нным; ра́­дуй­ся, ро́жд­шая Наста́вника заблу́дшим.

Ра́­дуй­ся, Судии́ пра­вед­на­го умоле́ние; ра́­дуй­ся, мно́гих со­гре­ше́­ний про­ще́­ние.

Ра́­дуй­ся, оде́ж­до на­ги́х дерзнове́ния; ра́­дуй­ся, лю­бы́, вся́­кое же­ла́­ние побежда́ющая.

ра́­дуй­ся, Не­ве́с­то Не­не­ве́ст­ная.

Кондак 8

Стра́н­ное рождество́ ви́­дев­ше, устра­ни́м­ся ми́­ра, ум на не­бе­са́ прело́жше: се­го́ бо ра́­ди высо́кий Бог на зем­ли́ яви́­ся смире́нный че­ло­ве́к, хо­тя́й привлещи́ к вы­со­те́ Тому́ во­пию́­щия: Алли­лу́иа.

Икос 8

Весь бе в ни́ж­них и вы́ш­них ни­ка́­ко­же от­сту­пи́ не­опи­са́н­ное Сло́­во: снизхожде́ние бо Бо­же́ст­вен­ное, не прехожде́ние же ме́стное бысть, и рождество́ от Де́­вы Богоприя́тныя, слы́шащия сия́:

ра́­дуй­ся, Бо́­га не­вме­сти́­ма­го вмес­ти́­ли­ще; ра́­дуй­ся, честна́го та́инства две́ри.

Ра́­дуй­ся, не­ве́р­ных су­мни́­тель­ное слы́­ша­ние; ра́­дуй­ся, ве́р­ных из­ве́ст­ная по­хва­ло́.

Ра́­дуй­ся, колесни́це пре­свя­та́я Су́щаго на Херуви́мех; ра́­дуй­ся, се­ле́­ние пре­сла́в­ное Су́щаго на Серафи́мех.

Ра́­дуй­ся, проти́вная в то́жде собра́вшая; ра́­дуй­ся, де́вство и рождество́ сочета́вшая.

Ра́­дуй­ся, Е́ю­же разреши́ся преступле́ние; ра́­дуй­ся, Е́ю­же отве́рзеся рай.

Ра́­дуй­ся, ключу́ Ца́рст­вия Хри­сто́­ва; ра́­дуй­ся, на­де́ж­до благ ве́ч­ных.

ра́­дуй­ся, Не­ве́с­то Не­не­ве́ст­ная.

Кондак 9

Вся́­кое ес­тес­тво́ а́н­гель­ское уди­ви́­ся ве­ли́­кому Тво­его́ вочелове́чения де́лу; непристу́пнаго бо я́ко Бо́­га, зря́ще всем присту́пнаго Че­ло­ве́­ка, нам у́бо спребыва́юща, слы́шаща же от всех: Алли­лу́иа.

Икос 9

Ве­ти́я мно­го­ве­ща́н­ныя, я́ко ры́­бы без­гла́с­ныя ви́­дим о Те­бе́, Бо­го­ро́­ди­це, недоумева́ют бо гла­го́­ла­ти, е́же ка́­ко и Де́ва пре­бы­ва́е­ши, и роди́ти возмогла́ еси́. Мы же, та́ин­ству ди­вя́­ще­ся, ве́р­но во­пи­е́м:

ра́­дуй­ся, пре­му́д­ро­сти Бо́­жия при­я́те­ли­ще, ра́­дуй­ся, про­мыш­ле́­ния Его́ со­кро́­ви­ще.

Ра́­дуй­ся, любому́дрыя нему́дрыя яв­ля́ю­щая; ра́­дуй­ся, хитрослове́сныя безслове́сныя об­ли­ча́ю­щая.

Ра́­дуй­ся, я́ко обуя́ша лю́тии взыска́теле; ра́­дуй­ся, я́ко увядо́ша баснотво́рцы.

Ра́­дуй­ся, афине́йская плете́ния рас­тер­за́ю­щая; ра́­дуй­ся, ры́барския мре́жи исполня́ющая.

Ра́­дуй­ся, из глу­би­ны́ неве́дения извлача́ющая; ра́­дуй­ся, мно́ги в ра́зуме про­све­ща́ю­щая.

Ра́­дуй­ся, кораблю́ хотя́щих спас­ти́­ся; ра́­дуй­ся, при­ста́­ни­ще жите́йских пла́ваний.

ра́­дуй­ся, Не­ве́с­то Не­не­ве́ст­ная.

Кондак 10

Спас­ти́ хо­тя́ мир, И́же всех Украси́тель, к се­му́ самообетова́н при­и́де, и Па́стырь сый, я́ко Бог, нас ра́­ди яви́­ся по нам че­ло­ве́к: подо́бным бо подо́бное при­зва́в, я́ко Бог слы́шит: Алли­лу́иа.

Икос 10

Сте­на́ еси́ де́­вам, Бо­го­ро́­ди­це Де́­во, и всем к Те­бе́ при­бе­га́ю­щим: и́бо не­бе­се́ и зем­ли́ Тво­ре́ц устро́и Тя, Пре­чи́с­тая, все́лься во утро́­бе Тво­е́й, и вся приглаша́ти Те­бе́ нау­чи́:

ра́­дуй­ся, сто́л­пе де́вст­ва; ра́­дуй­ся, дверь спа­се́­ния.

Ра́­дуй­ся, нача́льнице мы́сленнаго назда́ния; ра́­дуй­ся, пода́тельнице Бо­же́ст­вен­ныя бла́­гос­ти.

Ра́­дуй­ся, Ты бо обнови́ла еси́ зача́тыя сту́дно; ра́­дуй­ся, Ты бо наказа́ла еси́ окра́денныя умо́м.

Ра́­дуй­ся, тли́теля смы́слов упраждня́ющая; ра́­дуй­ся, Се́ятеля чис­то­ты́ ро́жд­шая.

Ра́­дуй­ся, черто́же безсе́меннаго уневе́щения; ра́­дуй­ся, ве́р­ных Го́сподеви сочета́вшая.

Ра́­дуй­ся, до́б­рая младопита́тельнице де́­вам; ра́­дуй­ся, невестокраси́тельнице душ свя­ты́х.

ра́­дуй­ся, Не­ве́с­то Не­не­ве́ст­ная.

Кондак 11

Пе́­ние вся́­кое побежда́ется, спростре́тися тща́щееся ко мно́жеству мно́гих щед­ро́т Тво­и́х: равночи́сленныя бо песка́ пе́сни а́ще при­но́­сим Ти, Ца­рю́ Свя­ты́й, ни­что́же соверша́ем досто́йно, я́же дал еси́ нам, Те­бе́ во­пию́­щим: Алли­лу́иа.

Икос 11

Све­то­при­е́м­ную све­щу́, су́­щим во тьме я́вльшуюся, зрим Свя­ту́ю Де́ву, не­ве­ще́ст­вен­ный бо вжига́ющи огнь, наставля́ет к ра́зуму Боже́ственному вся, за­ре́ю ум про­све­ща́ю­щая, зва́нием же почита́емая, си́­ми:

ра́­дуй­ся, луче́ у́мнаго Со́лн­ца; ра́­дуй­ся, све­ти́­ло незаходи́маго Све́­та.

Ра́­дуй­ся, мо́л­ние, ду́­ши про­све­ща́ю­щая; ра́­дуй­ся, я́ко гром вра­ги́ устра­ша́ю­щая.

Ра́­дуй­ся, я́ко многосве́тлое возсиява́еши про­све­ще́­ние; ра́­дуй­ся, я́ко многотеку́щую источа́еши ре­ку́.

Ра́­дуй­ся, купе́ли живопису́ющая о́б­раз; ра́­дуй­ся, грехо́вную отъе́млющая скве́рну.

Ра́­дуй­ся, ба́­не, омы­ва́ю­щая со́­весть; ра́­дуй­ся, ча́ше, че́рплющая ра́­дость.

Ра́­дуй­ся, обоня́ние Хри­сто́­ва благоуха́ния; ра́­дуй­ся, жи­во­те́ та́йнаго ве­се́­лия.

ра́­дуй­ся, Не­ве́с­то Не­не­ве́ст­ная.

Кондак 12

Бла­го­да́ть да́­ти вос­хо­те́в, дол­го́в дре́в­них, всех дол­го́в Реши́тель че­ло­ве́­ком, при­и́де Со­бо́ю ко отше́дшим Того́ бла­го­да́­ти, и раздра́в рукописа́ние, слы́шит от всех си́­це: Алли­лу́иа.

Икос 12

Пою́­ще Твое́ Рождество́, хва́­лим Тя вси, я́ко оду­шев­ле́н­ный храм, Бо­го­ро́­ди­це: во Тво­е́й бо все­ли́в­ся утро́­бе содержа́й вся ру­ко́ю Гос­по́дь, освяти́, просла́ви и нау­чи́ вопи́ти Те­бе́ всех:

ра́­дуй­ся, се­ле́­ние Бо́­га и Сло́ва; ра́­дуй­ся, свя­та́я свя­ты́х бо́льшая.

Ра́­дуй­ся, ковче́же, позлаще́нный Ду́­хом; ра́­дуй­ся, со­кро́­ви­ще жи­во­та́ не­ис­то­щи́­мое.

Ра́­дуй­ся, чест­ны́й ве́н­че лю­де́й бла­го­чес­ти́­вых; ра́­дуй­ся, честна́я по­хва­ло́ иере́ев благогове́йных.

Ра́­дуй­ся, це́рк­ве не­по­ко­ле­би́­мый сто́л­пе; ра́­дуй­ся, Ца́рст­вия неруши́мая сте­но́.

Ра́­дуй­ся, Е́ю­же воздви́жутся по­бе́­ды; ра́­дуй­ся, Е́ю­же низпа́дают врази́.

Ра́­дуй­ся, те́­ла мо­его́ врачева́ние; ра́­дуй­ся, ду­ши́ моея́ спа­се́­ние.

ра́­дуй­ся, Не­ве́с­то Не­не­ве́ст­ная.

Кондак 13

О, Все­пе́­тая Ма́­ти, ро́жд­шая всех свя­ты́х Свя­те́й­шее Сло́­во! Ны́нешнее прие́мши при­но­ше́­ние, от вся́­кия из­ба́­ви на­па́с­ти всех, и бу́­ду­щия из­ми́ му́­ки, о Те­бе́ во­пию́­щих: Алли­лу́иа, алли­лу́иа, Алли­лу́иа.

Этот, кондак чи­та­ет­ся трижды, за­те́м икос 1-й и кондак 1-й.

А́н­гел пред­ста́­тель с не­бе­се́ по́с­лан бысть ре­щи́ Бо­го­ро́­ди­це: ра́­дуй­ся, и со безпло́тным гла́сом воплоща́ема Тя зря, Го́с­по­ди, ужаса́шеся и стоя́ше, зо­вы́й к Ней та­ко­ва́я:

ра́­дуй­ся, Е́ю­же ра́­дость возсия́ет; ра́­дуй­ся, Е́ю­же кля́тва изче́знет.

Ра́­дуй­ся, па́д­ша­го Ада́ма воззва́ние; ра́­дуй­ся, слез Е́виных из­бав­ле́­ние.

Ра́­дуй­ся, высото́ неудобовосходи́мая челове́ческими по́мыслы; ра́­дуй­ся, глубино́ неудобозри́мая и а́нгельскима очи́­ма.

Ра́­дуй­ся, я́ко еси́ Царе́во седа́лище; ра́­дуй­ся, я́ко но́сиши Но­ся́­ща­го вся.

Ра́­дуй­ся, Звез­до́, яв­ля́ю­щая Со́лн­це; ра́­дуй­ся, утро́бо Бо­же́ст­вен­на­го воплоще́ния.

Ра́­дуй­ся, Е́ю­же обновля́ется тварь; ра́­дуй­ся, Е́ю­же покланя́емся Твор­цу́.

ра́­дуй­ся, Не­ве́с­то Не­не­ве́ст­ная.

Взбра́нной Воево́де победи́тельная, я́ко из­ба́вль­ше­ся от злых, бла­го­да́р­ствен­ная воспису́ем Ти раби́ Твои́, Бо­го­ро́­ди­це; но я́ко иму́щая держа́ву непобеди́мую, от вся́­ких нас бед сво­боди́, да зо­ве́м Ти:

ра́­дуй­ся, Не­ве́с­то Не­не­ве́ст­ная.

Мо­лит­ва

О, Пре­свя­та́я Гос­по­же́ Вла­ды́­чи­це Бо­го­ро́­ди­це, вы́шши еси́ всех А́н­гел и Ар­ха́н­гел, и всея́ тва́­ри честне́йши, по­мо́щ­ни­це еси́ оби́­ди­мых, ненаде́ющихся на­де́я­ние, убо́­гих за­сту́п­ни­це, пе­ча́ль­ных уте­ше́­ние, а́лчущих корми́тельнице, на­ги́х оде­я́ние, больны́х ис­це­ле́­ние, гре́ш­ных спа­се́­ние, хри­сти­а́н всех поможе́ние и за­ступ­ле́­ние. О, Все­ми́­лос­ти­вая Гос­по­же́, Де́­во Бо­го­ро́­ди­це Вла­ды́­чи­це, ми́­лос­тию Твое́ю спа­си́ и по­ми́­луй святе́йшия патриа́рхи пра­во­сла́вныя, преосвяще́нныя митрополи́ты, архиепи́скопы и епи́скопы и весь свяще́ннический и и́ноческий чин, и вся пра­во­сла́вныя христиа́ны ри́­зою Твое́ю чест­но́ю защити́; и умо­ли́, Гос­по­же́, из Те­бе́ без се́­ме­не воплоти́вшагося Хри­ста́ Бо́­га на́­ше­го, да препоя́шет нас си́­лою Свое́ю свы́­ше, на неви́димыя и ви́­ди­мыя вра­ги́ на́­ша. О, Все­ми́­лос­ти­вая Гос­по­же́ Вла­ды́­чи­це Бо­го­ро́­ди­це! Воз­дви́г­ни нас из глу­би­ны́ гре­хо́в­ныя и из­ба́­ви нас от гла́­да, губи́тельства, от тру́­са и по­то́­па, от ог­ня́ и ме­ча́, от нахожде́ния ино­пле­ме́н­ных и меж­до­усо́б­ныя бра́­ни, и от на­пра́с­ныя сме́р­ти, и от нападе́ния вра́­жия, и от тлетво́рных ветр, и от смер­то­но́с­ныя я́з­вы, и от вся́­ка­го зла. По­да́ждь, Гос­по­же́, мир и здра́­вие ра­бо́м Тво­и́м, всем правосла́вным христиа́ном, и про­све­ти́ им ум, и о́чи серде́чнии, е́же ко спа­се́­нию; и спо­до́­би ны, гре́ш­ныя ра­бы́ Твоя́, Ца́рст­вия Сы́­на Тво­его́, Хри­ста́ Бо́­га на́­ше­го; я́ко дер­жа́­ва Его́ благослове́на и препросла́влена, со Без­на­ча́ль­ным Его́ От­це́м, и с Пре­свя­тым, и Бла­ги́м, и Жи­во­тво­ря́­щим Его́ Ду́­хом, ны́­не и при́с­но, и во ве́­ки ве­ко́в. Ами́нь.

Мо­лит­ва вторая

О, Пре­свя­та́я Де́­во Ма́­ти Го́с­по­да, Ца­ри́­це Не­бе­се́ и зем­ли́! Вонми́ многоболе́зненному воздыха́нию ду́­ш на́ших, при́­зри с вы­со­ты́ свя­ты́я Твоея́ на нас, с ве́­рою и лю­бо́­вию покланя́ющихся пре­чи́с­то­му о́б­ра­зу Тво­ему́. Се бо грех­ми́ погружа́емии и скорбьми́ обурева́емии, взира́юще на Твой о́б­раз, я́ко живе́й Ти су́­щей с на́­ми, при­но́­сим смире́нныя мо­ле́­ния на́­ша. Не и́ма­мы бо ни ины́я по́­мо­щи, ни ина́го предста́тельства, ни уте­ше­ния, то́кмо Те­бе́, о, Ма́­ти всех скор­бя́­щих и об­ре­ме­не́н­ных. Помози́ нам не­мощ­ны́м, утоли́ скорбь на́­шу, наста́ви на путь пра́вый нас, заблужда́ющих, уврачу́й и спа­си́ безнаде́жных, да́­руй нам про́чее вре́­мя жи­во­та́ на́­ше­го в ми́­ре и тишине́ проводи́ти, по­да́ждь хри­сти­ан­скую кон­чи́­ну, и на стра́шнем су­де́ Сы́­на Тво­его́ яви́­ся нам ми­ло­се́р­дая За­сту́п­ни­ца, да всег­да́ по­е́м, ве­ли­ча́­ем и сла́­вим Тя, я́ко благу́ю За­сту́п­ни­цу ро́­да хри­сти­а́н­ска­го, со все́­ми угоди́вшими Бо́­гу. Ами́нь.

«Спаси, Господи!». Спасибо, что посетили наш сайт, перед тем как начать изучать информацию, просим подписаться на наше православное сообщество в Инстаграм Господи, Спаси и Сохрани † — http://www.instagram.com/spasi.gospodi/ . В сообществе больше 60 000 подписчиков.

Нас, единомышленников, много и мы быстро растем, выкладываем молитвы, высказывания святых, молитвенные просьбы, своевременно выкладывам полезную информацию о праздниках и православных событиях… Подписывайтесь. Ангела Хранителя Вам!

В теперешнем веке на пороге новых испытаний было преображено интересным образом чудотворное изображение Ченстоховской Богоматери, или как ее еще называют Русская Богородица, а также Взбранная Воевода, на которой показан лик Царицы Небесной в кольчуге с одетым на голову полководческом шлеме.

Акафист Взбранной Воеводе

Именно этот экземпляр иконы, где Богоматерь изображается в кольчуге как раз таки и получила наибольшее распространение. Обычно перед началом крестных походов читали молебни и акафист Божией Матери Взбранной Воеводе, тем самым получая от чудотворного изображения определенную защиту и помощь в сложных ситуациях.

По одному из существующих ныне преданий этот лик является одним из семидесяти священных образов Богородицы, написанием которых занимался святой евангелист из Иерусалима – Лука (в Сионской горнице). Затем спустя несколько столетий проводя паломничество на священной земле, равноапостольная правительница

Елена пребывая в Иерусалиме, получила от христианского народа в дар это чудотворное изображение, которое затем на протяжении пяти столетий находилось в императорской дворцовой часовне в городе Константинополь. Однако после по одной из имеющихся версий равноапостольными священнослужителями Мефодием и Кириллом эта самая икона была доставлена из Византии к Славянским землям.

Что касается дня празднования в память об обретении этого лика, то он приходится ежегодно на 19-е марта, тогда произносят акафист Богородице Взбранной Воеводе, а также обращаются в молитвенном прошении.

При этом искренняя молитва способна поможет:

• Справиться с неурядицами;
• Защитить себя от дурного влияния и воздействия злых сил;
• Указать путь истинный;
• Усмирить нарастающую вражду между людьми (не только чужими, но и близкими).

Текст акафиста Богородицы:

Кондак 1

Взбранной Воеводе победительная, яко избавльшеся от злых, благодарственная восписуем Ти раби Твои, Богородице, но яко имущая державу непобедимую, от всяких нас бед свободи, да зовем Ти: радуйся, Невесто Неневестная.

Икос 1

Ангел предстатель с небесе послан бысть рещи Богородице: радуйся, и со безплотным гласом воплощаема Тя зря, Господи, ужасашеся и стояше, зовый к Ней таковая: Радуйся, Еюже рaдocть возсияет; радуйся,Еюже клятва изчезнет. Радуйся, падшаго Адама воззвание; радуйся, слез Евиных избавление. Радуйся, высото неудобовосходимая человеческими помыслы; радуйся, глубино неудобозримая и ангельскима очима. Радуйся, яко еси Царево седалище; радуйся, яко носиши Носящаго вся. Радуйся, звездо, являющая Солнце; радуйся, утробо Божественнаго воплощения. Радуйся, Еюже обновляется тварь; радуйся, Еюже покланяемся Творцу. Радуйся, Невесто Неневестная.

Кондак 2

Видящи Святая Себе в чистоте, глаголет Гавриилу дерзостно: преславное твоего гласа неудобоприятельно души моей является: безсеменнаго бо зачатия рождество како глаголеши, зовый: Аллилуия.

Икос 2

Разум недоразумеваемый разумети Дева ищущи, возопи к служащему: из боку чисту, Сыну како есть родитися мощно, рцы Ми? К Нейже он рече со страхом, обаче зовый сице: Радуйся, совета неизреченнаго таиннице; радуйся, молчания просящих веро. Радуйся, чудес Христовых начало; радуйся, велений Егоглавизно. Радуйся, лествице небесная, Еюже сниде Бог; радуйся, мосте, преводяй сущих от земли на небо. Радуйся, Ангелов многословущее чудо; радуйся, бесов многоплачевное поражение. Радуйся, Свет неизреченно родившая; радуйся, еже како, ни единаго же научившая. Радуйся, премудрых превосходящая разум; радуйся, верных озаряющая смыслы. Радуйся, Невесто Неневестная.

Кондак 3

Сила Вышняго осени тогда к зачатию Браконеискусную, и благоплодная Тоя ложесна, яко село показасладкое, всем хотящим жати спасение, всегда пети сице: Аллилуия.

Икос 3

Имущи Богоприятную Дева утробу, востече ко Елисавети; младенец же оноя абие познав Сея целование, радовашеся, и играньми яко песньми вопияше к Богородице: Радуйся, отрасли неувядаемыя розго; радуйся, Плода безсмертнаго стяжание. Радуйся, Делателя делающая человеколюбца; радуйся, Садителя жизни нашея рождшая. Радуйся, ниво, растящая гобзование щедрот; радуйся, трапезо, носящая обилие очищения. Радуйся, яко рай пищный процветаеши; радуйся, яко пристанище душам готовиши. Радуйся, приятное молитвы кадило; радуйся, всего мира очищение. Радуйся, Божие к смертным благоволение; радуйся, смертных к Богу дерзновение. Радуйся, Невесто Неневестная.

Кондак 4

Бурю внутрь имея помышлений сумнительных, целомудренный Иосиф смятеся, к Тебе зря небрачней, и бракоокрадованную помышляя, Непорочная; уведев же Твое зачатие от Духа Свята, рече: Аллилуия.

Икос 4

Слышаша пастырие Ангелов поющих плотское Христово пришествие, и текше яко к Пастырю видят Сегояко агнца непорочна, во чреве Мариине упасшася, Юже поюще реша: Радуйся, Агнца и Пастыря Мати; радуйся, дворе словесных овец. Радуйся, невидимых врагов мучение; радуйся, райских дверей отверзение. Радуйся, яко небесная срадуются земным; радуйся, яко земная сликовствуют небесным. Радуйся, апостолов немолчная уста; радуйся, страстотерпцев непобедимая дерзосте. Радуйся, твердое веры утверждение; радуйся, светлое благодати познание. Радуйся, Еюже обнажися ад; радуйся, Еюже облекохомся славою. Радуйся, Невесто Неневестная.

Кондак 5

Боготечную звезду узревше волсви, тоя последоваша зари, и яко светильник держаще ю, тою испытаху крепкаго Царя, и достигше Непостижимаго, возрадовашася, Ему вопиюще: Аллилуия.

Икос 5

Видеша отроцы халдейстии на руку Девичу Создавшаго рукама человеки, и Владыку разумевающе Его,аще и рабий прият зрак, потщашася дарми послужити Ему, и возопити Благословенней: Радуйся, звездынезаходимыя Мати; радуйся, заре таинственнаго дне. Радуйся, прелести пещь угасившая; радуйся, Троицы таинники просвещающая. Радуйся, мучителя безчеловечнаго изметающая от начальства; радуйся, Господа человеколюбца показавшая Христа. Радуйся, варварскаго избавляющая служения; радуйся, тимения изымающая дел. Радуйся, огня поклонение угасившая; радуйся, пламене страстей изменяющая. Радуйся, верных наставнице целомудрия; радуйся, всех родов веселие. Радуйся, Невесто Неневестная.

Кондак 6

Проповедницы богоноснии, бывше волсви, возвратишася в Вавилон, скончавше Твое пророчество, и проповедавше Тя Христа всем, оставиша Ирода яко буесловяща, не ведуща пети: Аллилуия.

Икос 6

Возсиявый во Египте просвещение истины, отгнал еси лжи тьму: идоли бо его, Спасе, не терпяще Твоеякрепости, падоша, сих же избавльшиися вопияху к Богородице: Радуйся, исправление человеков; радуйся, низпадение бесов. Радуйся, прелести державу поправшая; радуйся, идольскую лесть обличившая. Радуйся, море, потопившее фараона мысленнаго; радуйся, каменю, напоивший жаждущия жизни. Радуйся,огненный столпе, наставляяй сущия во тьме; радуйся, покрове миру, ширший облака. Радуйся, пище, манны приемнице; радуйся, сладости святыя служительнице. Радуйся, земле обетования; радуйся, из неяже течет мед и млеко. Радуйся, Невесто Неневестная.

Кондак 7

Хотящу Симеону от нынешняго века преставитися прелестнаго, вдался еси яко младенец тому, но познался еси ему и Бог совершенный. Темже удивися Твоей неизреченней премудрости, зовый: Аллилуия.

Икос 7

Новую показа тварь, явлься Зиждитель нам от Него бывшим, из безсеменныя прозяб утробы, и сохранив Ю, якоже бе, нетленну, да чудо видяще, воспоем Ю, вопиюще: Радуйся, цвете нетления; радуйся, венче воздержания. Радуйся, воскресения образ облистающая; радуйся, ангельское житие являющая. Радуйся, древо светлоплодовитое, от негоже питаются вернии; радуйся, древо благосеннолиственное, имже покрываются мнози. Радуйся, во чреве носящая Избавителя плененным; радуйся, рождшая Наставника заблудшим. Радуйся, Судии праведнаго умоление; радуйся, многих согрешений прощение. Радуйся, одеждо нагих дерзновения; радуйся, любы, всякое желание побеждающая. Радуйся, Невесто Неневестная.

Кондак 8

Странное рождество видевше, устранимся мира, ум на небеса преложше: сего бо ради высокий Бог на земли явися смиренный человек, хотяй привлещи к высоте Тому вопиющия: Аллилуия.

Икос 8

Весь бе в нижних и вышних никакоже отступи неописанное Слово: снизхождение бо Божественное, не прехождение же местное бысть, и рождество от Девы Богоприятныя, слышащия сия: Радуйся, Бога невместимаго вместилище; радуйся, честнаго таинства двери. Радуйся, неверных сумнительное слышание; радуйся, верных известная похвало. Радуйся, колеснице пресвятая Сущаго на Херувимех; радуйся, селение преславное Сущаго на Серафимех. Радуйся, противная в тожде собравшая; радуйся, девство и рождество сочетавшая. Радуйся, Еюже разрешися преступление; радуйся, Еюже отверзеся рай. Радуйся, ключу Царствия Христова; радуйся, надеждо благ вечных. Радуйся, Невесто Неневестная.

Кондак 9

Всякое естество ангельское удивися великому Твоего вочеловечения делу; неприступнаго бо яко Бога, зряще всем приступнаго Человека, нам убо спребывающа, слышаща же от всех: Аллилуия.

Икос 9

Ветия многовещанныя, яко рыбы безгласныя видим о Тебе, Богородице, недоумевают бо глаголати, еже како и Дева пребываеши, и родити возмогла еси. Мы же, таинству дивящеся, верно вопием: Радуйся, премудрости Божия приятелище; радуйся, промышления Его сокровище. Радуйся, любомудрыя немудрыя являющая; радуйся, хитрословесныя безсловесныя обличающая. Радуйся, яко обуяша лютии взыскателе; радуйся, яко увядоша баснотворцы. Радуйся, афинейская плетения растерзающая; радуйся, рыбарския мрежи исполняющая. Радуйся, из глубины неведения извлачающая; радуйся, многи в разуме просвещающая. Радуйся, кораблю хотящих спастися; радуйся, пристанище житейских плаваний. Радуйся, Невесто Неневестная.

Кондак 10

Спасти хотя мир, Иже всех Украситель, к сему самообетован прииде, и Пастырь сый, яко Бог, нас ради явися по нам человек: подобным бо подобное призвав, яко Бог слышит: Аллилуия.

Икос 10

Стена еси девам, Богородице Дево, и всем к Тебе прибегающим: ибо небесе и земли Творец устрои Тя, Пречистая, вселься во утробе Твоей, и вся приглашати Тебе научи: Радуйся, столпе девства; радуйся, дверь спасения. Радуйся, начальнице мысленнаго наздания; радуйся, подательнице Божественныя благости. Радуйся, Ты бо обновила еси зачатыя студно; радуйся, Ты бо наказала еси окраденныя умом. Радуйся, тлителя смыслов упраждняющая; радуйся, Сеятеля чистоты рождшая. Радуйся, чертоже безсеменнаго уневещения; радуйся, верных Господеви сочетавшая. Радуйся, добрая младопитательнице девам; радуйся, невестокрасительнице душ святых. Радуйся, Невесто Неневестная.

Кондак 11

Пение всякое побеждается, спростретися тщащееся ко множеству многих щедрот Твоих: равночисленныя бо песка песни аще приносим Ти, Царю святый, ничтоже совершаем достойно, яже дал еси нам, Тебевопиющим: Аллилуия.

Икос 11

Светоприемную свещу, сущим во тьме явльшуюся, зрим святую Деву, невещественный бо вжигающи огнь, наставляет к разуму Божественному вся, зарею ум просвещающая, званием же почитаемая, сими: Радуйся, луче умнаго Солнца; радуйся, светило незаходимаго Света. Радуйся, молние, души просвещающая; радуйся, яко гром, враги устрашающая. Радуйся, яко многосветлое возсияваеши просвещение; радуйся,яко многотекущую источаеши реку. Радуйся, купели живописующая образ; радуйся, греховную отъемлющая скверну. Радуйся, бане, омывающая совесть; радуйся, чаше, черплющая рaдocть. Радуйся, обоняние Христова благоухания; радуйся, животе тайнаго веселия. Радуйся, Невесто Неневестная.

Кондак 12

Благодать дати восхотев, долгов древних, всех долгов Решитель человеком, прииде Собою ко отшедшим Того благодати, и раздрав рукописание, слышит от всех сице: Аллилуия.

Икос 12

Поюще Твое Рождество, хвалим Тя вси, яко одушевленный храм, Богородице: во Твоей бо вселився утробе содержай вся рукою Господь, освяти, прослави и научи вопити Тебе всех: Радуйся, селение Бога и Слова; радуйся, святая святых большая. Радуйся, ковчеже, позлащенный Духом; радуйся, сокровище животанеистощимое. Радуйся, честный венче царей благочестивых; радуйся, честная похвало иереев благоговейных. Радуйся, Церкве непоколебимый столпе; радуйся, Царствия нерушимая стено. Радуйся,Еюже воздвижутся победы; радуйся, Еюже низпадают врази. Радуйся, тела моего врачевание; радуйся, души моея спасение. Радуйся, Невесто Неневестная.

Кондак 13

О, Всепетая Мати, рождшая всех святых Святейшее Слово! Нынешнее приемши приношение, от всякия избави напасти всех, и будущия изми муки, о Тебе вопиющих: Аллилуия.

Господь всегда с Вами!

Смотрите еще и видео акафист Богородице Взбранной Воеводе:

«Взбранной Воеводе Победительная» — текст молитвы

Молитва «Взбранной Воеводе Победительная» довольно часто встречается под другим названием – кондак Богородице. Она окутана множеством историй. Вместе с тем, ее основная задача заключается в том, чтобы помочь сохранить территорию и родные земли.

Текст молитвы с ударениями

Взбра́нной Воево́де победи́тельная, я́ко из­ба́вль­ше­ся от злых, бла­го­да́р­ствен­ная воспису́ем Ти раби́ Твои́ Бо­го­ро́­ди­це: но я́ко иму́щая держа́ву непобеди́мую, от вся́­ких нас бед сво­бо­ди́, да зо­ве́м Ти: Ра́­дуй­ся Не­ве́с­то Не­не­ве́ст­ная.

Перевод:

Тебе, высшей Военачальнице, избавившись от бед, мы, недостойные рабы Твои, Богородица, воспеваем победную и благодарственную песнь. Ты же, имеющая силу непобедимую, освобождай нас от всяких бед, чтобы мы взывали к Тебе: радуйся, Невеста, в брак не вступившая!

История возникновения

История гласит о том, что Благовещение до десятого века проходило в седьмой день недели, а перед ним проводились чтения акафиста или других речей, которые восхваляли Богородицу. После этого дату празднования перенесли на шестой день пятой недели, которая следует за Великим Постом. Такое решение было принято в знак признательности Богородице за ее многократное покровительство перед вражескими войсками. Именно этот день был назначен для чтения акафиста Богородице.

Впервые он был услышан всеми посетителями в Влахернском храме Константинополя, который осадили недруги. Отдельные предания повествуют о том, что этот вражеский флот разбил шторм, который поднялся вследствие того, как Риза Божьей Матери была опущена в морские воды. В честь этого события и была спета нардом победоносная песня.

Как гласят некоторые источники, авторство текста принадлежит некому Георгию Писидийскому, который был дьяконом в церкви Константинополя. Спустя определенный временной промежуток он стал частью прочих посвящений Богородице. Пресвятую Деву в нем называют военноначальницей.

Чем помогает победительная молитва

Молитвенные слова Пресвятой Богородице – это не только благодарность, но и возможность получить защиту. Цель использования молитвы может быть разной:

• покровительство дома и земли-родины;
• охрана от врагов;
• разрешение военных конфликтов;
• преодоление вражеских сил.

Читать акафист Взбранной воеводе победительная

Конда́к 1.

Взбра́нной Воево́де победи́тельная, я́ко изба́вльшеся от злы́х, благода́рственная воспису́ем Ти́ раби́ Твои́, Богоро́дице; но я́ко иму́щая держа́ву непобеди́мую, от вся́ких на́с бе́д свободи́, да зове́м Ти́:

Ра́дуйся, Неве́сто Неневе́стная.

И́кос 1.

А́нгел предста́тель с Небесе́ по́слан бы́сть рещи́ Богоро́дице: ра́дуйся, и со безпло́тным гла́сом воплоща́ема Тя́ зря́, Го́споди, ужаса́шеся и стоя́ше, зовы́й к Не́й такова́я:

Ра́дуйся, Е́юже ра́дость возсия́ет; ра́дуйся, Е́юже кля́тва исче́знет.

Ра́дуйся, па́дшаго Ада́ма воззва́ние; ра́дуйся, сле́з Е́виных избавле́ние.

Ра́дуйся, высото́ неудобовосходи́мая челове́ческими по́мыслы; ра́дуйся, глубино́ неудобозри́мая и а́нгельскима очи́ма.

Ра́дуйся, я́ко еси́ Царе́во седа́лище; ра́дуйся, я́ко но́сиши Нося́щаго вся́.

Ра́дуйся, Звездо́, явля́ющая Со́лнце; ра́дуйся, утро́бо Боже́ственнаго воплоще́ния.

Ра́дуйся, Е́юже обновля́ется тва́рь; ра́дуйся, Е́юже покланя́емся Творцу́.

Ра́дуйся, Неве́сто Неневе́стная.

Конда́к 2.

Ви́дящи Свята́я Себе́ в чистоте́, глаго́лет Гаврии́лу де́рзостно: пресла́вное твоего́ гла́са неудобоприя́тельно души́ Мое́й явля́ется: безсе́меннаго бо зача́тия рождество́ ка́ко глаго́леши, зовы́й: Аллилу́иа.

И́кос 2.

Ра́зум недоразумева́емый разуме́ти Де́ва и́щущи, возопи́ к служа́щему: из боку́ чи́сту, Сы́ну ка́ко е́сть роди́тися мо́щно, рцы́ Ми́? К Не́йже о́н рече́ со стра́хом, оба́че зовы́й си́це:

Ра́дуйся, сове́та неизрече́ннаго Таи́ннице; ра́дуйся, молча́ния прося́щих ве́ро.

Ра́дуйся, чуде́с Христо́вых нача́ло; ра́дуйся, веле́ний Его́ глави́зно.

Ра́дуйся, ле́ствице небе́сная, Е́юже сни́де Бо́г; ра́дуйся, мо́сте, преводя́й су́щих от земли́ на не́бо.

Ра́дуйся, А́нгелов многослову́щее чу́до; ра́дуйся, бесо́в многоплаче́вное пораже́ние.

Ра́дуйся, Све́т неизрече́нно роди́вшая; ра́дуйся, е́же ка́ко, ни еди́наго же научи́вшая.

Ра́дуйся, прему́дрых превосходя́щая ра́зум; ра́дуйся, ве́рных озаря́ющая смы́слы.

Ра́дуйся, Неве́сто Неневе́стная.

Конда́к 3.

Си́ла Вы́шняго осени́ тогда́ к зача́тию Браконеиску́сную, и благопло́дная Тоя́ ложесна́, я́ко село́ показа́ сла́дкое, все́м хотя́щим жа́ти спасе́ние, внегда́ пе́ти си́це: Аллилу́иа.

И́кос 3.

Иму́щи Богоприя́тную Де́ва утро́бу, востече́ ко Елисаве́ти: младе́нец же о́ноя а́бие позна́в Сея́ целова́ние, ра́довашеся, и игра́ньми я́ко пе́сньми вопия́ше к Богоро́дице:

Ра́дуйся, о́трасли неувяда́емыя розго́; ра́дуйся, Плода́ безсме́ртнаго стяжа́ние.

Ра́дуйся, Де́лателя де́лающая Человеколю́бца; ра́дуйся, Сади́теля жи́зни на́шея ро́ждшая.

Ра́дуйся, ни́во, растя́щая гобзова́ние щедро́т; ра́дуйся, трапе́зо, нося́щая оби́лие очище́ния.

Ра́дуйся, я́ко ра́й пи́щный процвета́еши; ра́дуйся, я́ко приста́нище душа́м гото́виши.

Ра́дуйся, прия́тное моли́твы кади́ло; ра́дуйся, всего́ ми́ра очище́ние.

Ра́дуйся, Бо́жие к сме́ртным благоволе́ние; ра́дуйся, сме́ртных к Бо́гу дерзнове́ние.

Ра́дуйся, Неве́сто Неневе́стная.

Конда́к 4.

Бу́рю вну́трь име́я помышле́ний сумни́тельных, целому́дренный Ио́сиф смяте́ся, к Тебе́ зря́ небра́чней, и бракоокра́дованную помышля́я, Непоро́чная; уве́дев же Твое́ зача́тие от Ду́ха Свя́та, рече́: Аллилу́иа.

И́кос 4.

Слы́шаша па́стырие А́нгелов пою́щих плотско́е Христо́во прише́ствие, и те́кше я́ко к Па́стырю ви́дят Сего́ я́ко а́гнца непоро́чна, во чре́ве Мари́ине упа́сшася, Ю́же пою́ще ре́ша:

Ра́дуйся, А́гнца и Па́стыря Ма́ти; ра́дуйся, дво́ре слове́сных ове́ц.

Ра́дуйся, неви́димых враго́в муче́ние; ра́дуйся, ра́йских две́рей отверзе́ние.

Ра́дуйся, я́ко небе́сная сра́дуются земны́м; ра́дуйся, я́ко земна́я сликовству́ют небе́сным.

Ра́дуйся, апо́столов немо́лчная уста́; ра́дуйся, страстоте́рпцев непобеди́мая де́рзосте.

Ра́дуйся, тве́рдое ве́ры утвержде́ние; ра́дуйся, све́тлое благода́ти позна́ние.

Ра́дуйся, Е́юже обнажи́ся а́д; ра́дуйся, Е́юже облеко́хомся сла́вою.

Ра́дуйся, Неве́сто Неневе́стная.

Конда́к 5.

Боготе́чную звезду́ узре́вше волсви́, тоя́ после́доваша зари́, и я́ко свети́льник держа́ще ю́, то́ю испыта́ху кре́пкаго Царя́, и дости́гше Непостижи́маго, возра́довашася, Ему́ вопию́ще: Аллилу́иа.

И́кос 5.

Ви́деша о́троцы халде́йстии на руку́ Деви́чу Созда́вшаго рука́ми челове́ки, и Влады́ку разумева́юще Его́, а́ще и ра́бий прия́т зра́к, потща́шася дарми́ послужи́ти Ему́, и возопи́ти Благослове́нней:

Ра́дуйся, Звезды́ незаходи́мыя Ма́ти; ра́дуйся, заре́ та́инственнаго дне́.

Ра́дуйся, пре́лести пе́щь угаси́вшая; ра́дуйся, Тро́ицы таи́нники просвеща́ющая.

Ра́дуйся, мучи́теля безчелове́чнаго измета́ющая от нача́льства; ра́дуйся, Го́спода Человеколю́бца показа́вшая Христа́.

Ра́дуйся, ва́рварскаго избавля́ющая служе́ния; ра́дуйся, тиме́ния изыма́ющая де́л.

Ра́дуйся, огня́ поклоне́ние угаси́вшая; ра́дуйся, пла́мене страсте́й изменя́ющая.

Ра́дуйся, ве́рных наста́внице целому́дрия; ра́дуйся, все́х родо́в весе́лие.

Ра́дуйся, Неве́сто Неневе́стная.

Конда́к 6.

Пропове́дницы богоно́снии, бы́вше волсви́, возврати́шася в Вавило́н, сконча́вше Твое́ проро́чество, и пропове́давше Тя́ Христа́ все́м, оста́виша И́рода я́ко буесло́вна, не ве́дуща пе́ти: Аллилу́иа.

И́кос 6.

Возсия́вый во Еги́пте просвеще́ние и́стины, отгна́л еси́ лжи́ тьму́: и́доли бо его́, Спа́се, не терпя́ще Твоея́ кре́пости, падо́ша, си́х же изба́вльшиися вопия́ху к Богоро́дице:

Ра́дуйся, исправле́ние челове́ков; ра́дуйся, низпаде́ние бесо́в.

Ра́дуйся, пре́лести держа́ву попра́вшая; ра́дуйся, и́дольскую ле́сть обличи́вшая.

Ра́дуйся, мо́ре, потопи́вшее фарао́на мы́сленнаго; ра́дуйся, ка́меню, напои́вший жа́ждущия жи́зни.

Ра́дуйся, о́гненный сто́лпе, наставля́яй су́щия во тьме́; ра́дуйся, покро́ве ми́ру, ши́рший о́блака.

Ра́дуйся, пи́ще, ма́нны прие́мнице; ра́дуйся, сла́дости святы́я служи́тельнице.

Ра́дуйся, земле́ обетова́ния; ра́дуйся, из нея́же тече́т ме́д и млеко́.

Ра́дуйся, Неве́сто Неневе́стная.

Конда́к 7.

Хотя́щу Симео́ну от ны́нешняго ве́ка преста́витися преле́стнаго, вда́лся еси́ я́ко младе́нец тому́, но позна́лся еси́ ему́ и Бо́г соверше́нный. Те́мже удиви́ся Твое́й неизрече́нней прему́дрости, зовы́й: Аллилу́иа.

И́кос 7.

Но́вую показа́ тва́рь, я́влься Зижди́тель на́м от Него́ бы́вшим, из безсе́менныя прозя́б утро́бы, и сохрани́в Ю́, я́коже бе́, нетле́нну, да чу́до ви́дяще, воспои́м Ю́, вопию́ще:

Ра́дуйся, цве́те нетле́ния; ра́дуйся, ве́нче воздержа́ния.

Ра́дуйся, воскресе́ния о́браз облиста́ющая; ра́дуйся, а́нгельское житие́ явля́ющая.

Ра́дуйся, дре́во светлоплодови́тое, от него́же пита́ются ве́рнии; ра́дуйся, дре́во благосенноли́ственное, и́мже покрыва́ются мно́зи.

Ра́дуйся, во чре́ве нося́щая Изба́вителя плене́нным; ра́дуйся, ро́ждшая Наста́вника заблу́ждшим.

Ра́дуйся, Судии́ пра́веднаго умоле́ние; ра́дуйся, мно́гих согреше́ний проще́ние.

Ра́дуйся, оде́ждо наги́х дерзнове́ния; ра́дуйся, любы́, вся́кое жела́ние побежда́ющая.

Ра́дуйся, Неве́сто Неневе́стная.

Конда́к 8.

Стра́нное рождество́ ви́девше, устрани́мся ми́ра, у́м на небеса́ прело́жше: сего́ бо ра́ди высо́кий Бо́г на земли́ яви́ся смире́нный челове́к, хотя́й привлещи́ к высоте́ Тому́ вопию́щия: Аллилу́иа.

И́кос 8.

Ве́сь бе́ в ни́жних и вы́шних ника́коже отступи́ неопи́санное Сло́во: снизхожде́ние бо Боже́ственное, не прехожде́ние же ме́стное бы́сть, и рождество́ от Де́вы Богоприя́тныя, слы́шащия сия́:

Ра́дуйся, Бо́га невмести́маго вмести́лище; ра́дуйся, честна́го та́инства две́ри.

Ра́дуйся, неве́рных сумни́тельное слы́шание; ра́дуйся, ве́рных изве́стная похвало́.

Ра́дуйся, колесни́це пресвята́я Су́щаго на Херуви́мех; ра́дуйся, селе́ние пресла́вное Су́щаго на Серафи́мех.

Ра́дуйся, проти́вная в то́жде собра́вшая; ра́дуйся, де́вство и рождество́ сочета́вшая.

Ра́дуйся, Е́юже разреши́ся преступле́ние; ра́дуйся, Е́юже отве́рзеся ра́й.

Ра́дуйся, ключу́ Ца́рствия Христо́ва; ра́дуйся, наде́ждо бла́г ве́чных.

Ра́дуйся, Неве́сто Неневе́стная.

Конда́к 9.

Вся́кое естество́ а́нгельское удиви́ся вели́кому Твоего́ вочелове́чения де́лу; непристу́пнаго бо я́ко Бо́га, зря́ше все́м присту́пнаго Челове́ка, на́м у́бо спребыва́юща, слы́шаща же от все́х: Аллилу́иа.

И́кос 9.

Вети́я многовеща́нныя, я́ко ры́бы безгла́сныя ви́дим о Тебе́, Богоро́дице, недоумева́ют бо глаго́лати, е́же ка́ко и Де́ва пребыва́еши, и роди́ти возмогла́ еси́. Мы́ же, та́инству дивя́щеся, ве́рно вопие́м:

Ра́дуйся, прему́дрости Бо́жия прия́телище, ра́дуйся, промышле́ния Его́ сокро́вище.

Ра́дуйся, любому́дрыя нему́дрыя явля́ющая; ра́дуйся, хитрослове́сныя безслове́сныя облича́ющая.

Ра́дуйся, я́ко обуя́ша лю́тии взыска́теле; ра́дуйся, я́ко увядо́ша баснотво́рцы.

Ра́дуйся, афине́йская плете́ния растерза́ющая; ра́дуйся, ры́барския мре́жи исполня́ющая.

Ра́дуйся, из глубины́ неве́дения извлача́ющая; ра́дуйся, мно́ги в ра́зуме просвеща́ющая.

Ра́дуйся, кораблю́ хотя́щих спасти́ся; ра́дуйся, приста́нище жите́йских пла́ваний.

Ра́дуйся, Неве́сто Неневе́стная.

Конда́к 10.

Спасти́ хотя́ ми́р, И́же все́х Украси́тель, к сему́ самообетова́н прии́де, и Па́стырь сы́й, я́ко Бо́г, на́с ра́ди яви́ся по на́м челове́к: подо́бным бо подо́бное призва́в, я́ко Бо́г слы́шит: Аллилу́иа.

И́кос 10.

Стена́ еси́ де́вам, Богоро́дице Де́во, и все́м к Тебе́ прибега́ющим: и́бо небесе́ и земли́ Творе́ц устро́и Тя́, Пречи́стая, все́лься во утро́бе Твое́й, и вся́ приглаша́ти Тебе́ научи́в:

Ра́дуйся, сто́лпе де́вства; ра́дуйся, две́рь спасе́ния.

Ра́дуйся, нача́льнице мы́сленнаго назда́ния; ра́дуйся, пода́тельнице Боже́ственныя бла́гости.

Ра́дуйся, Ты́ бо обнови́ла еси́ зача́тыя сту́дно; ра́дуйся, Ты́ бо наказа́ла еси́ окра́денныя умо́м.

Ра́дуйся, тли́теля смы́слов упражня́ющая; ра́дуйся, Се́ятеля чистоты́ ро́ждшая.

Ра́дуйся, черто́же безсе́меннаго уневе́щения; ра́дуйся, ве́рных Го́сподеви сочета́вшая.

Ра́дуйся, до́брая младопита́тельнице де́вам; ра́дуйся, невестокраси́тельнице ду́ш святы́х.

Ра́дуйся, Неве́сто Неневе́стная.

Конда́к 11.

Пе́ние вся́кое побежда́ется, спростре́тися тща́щееся ко мно́жеству мно́гих щедро́т Твои́х: равночи́сленныя бо песка́ пе́сни а́ще прино́сим Ти́, Царю́ Святы́й, ничто́же соверша́ем досто́йно, я́же да́л еси́ на́м, Тебе́ вопию́щим: Аллилу́иа.

И́кос 11.

Светоприе́мную свещу́, су́щим во тьме́ я́вльшуюся, зри́м Святу́ю Де́ву, невеще́ственный бо вжига́ющи о́гнь, наставля́ет к ра́зуму Боже́ственному вся́, заре́ю у́м просвеща́ющая, зва́нием же почита́емая, си́ми:

Ра́дуйся, луче́ у́мнаго Со́лнца; ра́дуйся, свети́ло незаходи́маго Све́та.

Ра́дуйся, мо́лние, ду́ши просвеща́ющая; ра́дуйся, я́ко гро́м враги́ устраша́ющая.

Ра́дуйся, я́ко многосве́тлое возсиява́еши просвеще́ние; ра́дуйся, я́ко многотеку́щую источа́еши реку́.

Ра́дуйся, купе́ли живопису́ющая о́браз; ра́дуйся, грехо́вную отъе́млющая скве́рну.

Ра́дуйся, ба́не, омыва́ющая со́весть; ра́дуйся, ча́ше, че́рплющая ра́дость.

Ра́дуйся, обоня́ние Христо́ва благоуха́ния; ра́дуйся, животе́ та́йнаго весе́лия.

Ра́дуйся, Неве́сто Неневе́стная.

Конда́к 12.

Благода́ть да́ти восхоте́в, долго́в дре́вних, все́х долго́в Реши́тель челове́ком, прии́де Собо́ю ко отше́дшим Того́ благода́ти, и раздра́в рукописа́ние, слы́шит от все́х си́це: Аллилу́иа.

И́кос 12.

Пою́ще Твое́ Рождество́, хва́лим Тя́ вси́, я́ко одушевле́нный хра́м, Богоро́дице: во Твое́й бо всели́вся утро́бе содержа́й вся́ руко́ю Госпо́дь, освяти́, просла́ви и научи́ вопи́ти Тебе́ все́х:

Ра́дуйся, селе́ние Бо́га и Сло́ва; ра́дуйся, свята́я святы́х бо́льшая.

Ра́дуйся, ковче́же, позлаще́нный Ду́хом; ра́дуйся, сокро́вище живота́ неистощи́мое.

Ра́дуйся, честны́й ве́нче люде́й благочести́вых; ра́дуйся, честна́я похвало́ иере́ев благогове́йных.

Ра́дуйся, це́ркве непоколеби́мый сто́лпе; ра́дуйся, Ца́рствия неруши́мая стено́.

Ра́дуйся, Е́юже воздви́жутся побе́ды; ра́дуйся, Е́юже низпа́дают врази́.

Ра́дуйся, те́ла моего́ врачева́ние; ра́дуйся, души́ моея́ спасе́ние.

Ра́дуйся, Неве́сто Неневе́стная.

Конда́к 13.

О, Всепе́тая Ма́ти, ро́ждшая все́х святы́х Святе́йшее Сло́во! Ны́нешнее прие́мши приноше́ние, от вся́кия изба́ви напа́сти все́х, и бу́дущия изми́ му́ки, о Тебе́ вопию́щих: Аллилу́иа, аллилу́иа, аллилу́иа.

Этот, конда́к чита́ется три́жды, зате́м и́кос 1-й и конда́к 1-й.

Молитвы ко Пресвятой Богородице

Молитвы ко Пресвятой Богородице

Богородице Дево, радуйся

Богоро́дице Де́во, ра́дуйся, Благода́тная Мари́е, Госпо́дь с Тобо́ю, благослове́нна Ты́ в жена́х, и благослове́н пло́д чре́ва Твоего́, я́ко Спа́са родила́ еси́ ду́ш на́ших.

Перевод: Богородица Дева Мария, исполненная благодати Божией, радуйся! Господь с Тобою; благословенна Ты между женщинами и благословен плод, Тобою рожденный, потому что Ты родила Спасителя душ наших.

Достойно есть

Досто́йно есть я́ко вои́стину блажи́ти Тя, Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую херуви́м и сла́внейшую без сравне́ния серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

Перевод: Поистине справедливо ублажать Тебя, Богородицу, вечно блаженную и пренепорочную, и Мать Бога нашего. Ты честью превосходишь херувимов и во славе своей несравненно выше серафимов. Ты девственно родила Бога-Слово, и как истинную Богородицу мы Тебя величаем.

Царице моя, Преблагая

Цари́це моя́ Преблага́я, Наде́ждо моя́, Богоро́дице, Прия́телище си́рых и стра́нных Предста́тельнице, скорбя́щих Ра́досте, оби́димых Покрови́тельнице! Зри́ши мою́ беду́, зри́ши мою́ скорбь; помози́ ми, я́ко не́мощну, окорми́ мя, я́ко стра́нна! Оби́ду мою́ ве́си, разреши́ ту, я́ко во́лиши: яко не и́мам ины́я по́мощи, ра́зве Тебе́, ни ины́я Предста́тельницы, ни благи́я Уте́шительницы, то́кмо Тебе́, о Богома́ти! Я́ко да сохрани́ши мя и покры́еши во ве́ки веко́в. Ами́нь.

Перевод: Царица моя преблагая, Надежда моя, Богородица, приют сирот и странников защитница, скорбящих радость, обиженных покровительница! Видишь мою беду, видишь мою скорбь; помоги мне, как немощному, направь меня, как странника. Обиду мою знаешь: разреши ее по Своей воле. Ибо не имею я иной помощи, кроме Тебя, ни иной Защитницы, ни благой Утешительницы – только Тебя, о Богоматерь: да сохранишь меня и защитишь во веки веков. Аминь.

Кондак Пресвятой Богородице

Кондак Взбранной Воеводе

Взбра́нной Воево́де победи́тельная, я́ко изба́вльшеся от злых, благода́рственная воспису́ем Ти раби́ Твои́ Богоро́дице: но я́ко иму́щая держа́ву непобеди́мую, от вся́ких нас бед свободи́, да зове́м Ти: Ра́дуйся Неве́сто Неневе́стная.

Перевод: Тебе, высшей Военачальнице, избавившись от бед, мы, недостойные рабы Твои, Богородица, воспеваем победную и благодарственную песнь. Ты же, имеющая силу непобедимую, освобождай нас от всяких бед, чтобы мы взывали к Тебе: радуйся, Невеста, в брак не вступившая!

Песнь Богородицы

Вели́чит душа́ Моя́ Го́спода, и возра́довася дух Мой о Бо́зе Спа́се Мое́м. Честне́йшую херуви́м и сла́внейшую без сравне́ния серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем. Я́ко призре́ на смире́ние рабы́ Своея́, се бо от ны́не ублажа́т Мя вси ро́ди. Честне́йшую херуви́м… Я́ко сотвори́ Мне вели́чие Си́льный, и свя́то и́мя Его́, и ми́лость Его́ в ро́ды родо́в боя́щимся Его́. Честне́йшую херуви́м… Сотвори́ держа́ву мы́шцею Свое́ю, расточи́ го́рдыя мы́слию се́рдца их. Честне́йшую херуви́м… Низложи́ си́льныя со престо́л, и вознесе́ смире́нныя; а́лчущия испо́лни благ, и богатя́щияся отпусти́ тщи. Честне́йшую херуви́м… Восприя́т Изра́иля о́трока Своего́, помяну́ти ми́лости, я́коже глаго́ла ко отце́м на́шим, Авраа́му и се́мени его́ да́же до ве́ка. Честне́йшую херуви́м…

Перевод: Величает душа Моя Господа, и возрадовался дух Мой о Боге, Спасителе Моём. Честью высшую Херувимов и несравненно славнейшую Серафимов, девственно Бога–Слово родившую, истинную Богородицу — Тебя величаем. Что призрел Он на смирение Рабы Своей; ибо отныне назовут Меня блаженной все роды. Что сотворил Мне великое Сильный, и свято имя Его, и милость Его в роды родов к боящимся Его. Соделал Он сильное рукою Своею, рассеял надменных в помышлениях сердца их. Низложил властителей с престолов и вознес смиренных, алчущих исполнил благ и богатых отослал ни с чем. Поддержал Израиля, отрока Своего, вспомнив о милости, — как Он сказал отцам нашим, — к Аврааму и семени его навеки.

О, Всепетая Мати

О Всепе́тая Ма́ти, ро́ждшая всех святы́х Святе́йшее Сло́во! Ны́нешнее прие́мши приноше́ние, от вся́кия изба́ви напа́сти всех, и бу́дущия изми́ му́ки, о Тебе́ вопию́щих: Аллилу́ия.

Перевод: О, всеми Воспеваемая Мать, родившая всех святых Святейшее Слово! Нынешнее приняв приношение, от всякой избавь беды всех и от будущего спаси мучения взывающих пред Тобою: Аллилуйя.

О Тебе радуется

О Тебе́ ра́дуется, Благода́тная, вся́кая тварь, А́нгельский собо́р и Челове́ческий род, освяще́нный хра́ме и раю́ слове́сный, Де́вственная похвало́, из нея́же Богъ воплоти́ся и Младе́нецъ бысть, пре́жде векъ Сый Богъ нашъ, ложесна́ бо Твоя́ Престо́лъ сотвори́, и чре́во Твое́ простра́ннее Небе́съ соде́ла; о Тебе́ ра́дуется, Благода́тная, вся́кая тварь, сла́ва тебе́.

Перевод: О Тебе радуется, Благодатная, всё творение: / Ангельский сонм и человеческий род. / Ты – освящённый храм и рай духовный, / слава девства, от Которой Бог воплотился и Младенцем стал / прежде всех веков Существующий Бог наш. / Ибо недра Твои Он в престол обратил / и чрево Твоё обширнее небес соделал. О Тебе радуется, Благодатная, всё творение, слава тебе.

О, преславнаго чудесе

О, преславнаго чудесе! Небесе и земли Царица, от святых сродников наших умоляемая, до ныне землю Русскую покрывает и лика Своего изображении милостивно обогащает. О Владычице Державная! Не престани и на будущее время во утверждение на Руси православия милости и чудеса изливати до века. Аминь.

Греческий оригинал
греч. Τῇ ὑπερμάχῷ στρατηγῷ τὰ νικητήρια,
ὡς λυτρωθεῖσα τῶν δεινῶν εὐχαριστήρια,
ἀναγράφω σοι ἡ πόλις σου, Θεοτόκε•
ἀλλ’ ὡς ἔχουσα τὸ κράτος ἀπροσμάχητον,
ἐκ παντοίων με κινδύνων ἐλευθέρωσον,
ἵνα κράζω σοί: Χαῖρε Νύμφη ἀνύμφευτε.
Церковнославянский перевод
гл 8
Взбра́нной Воево́дѣ побѣди́тельная,/ я́ко изба́вльшеся от злыхъ,/ благода́рственная воспису́емъ Ти раби́ Твои, Богоро́дице,/ но яко иму́щая держа́ву непобѣди́мую,/ от вся́кихъ насъ бѣдъ свободи́, да зове́мъ Ти:// Ра́дуйся, Невѣсто Неневѣстная!
Русский перевод (Николая Нахимова)
Тебе, высшей Военачальнице, избавившись от бед, мы, недостойные рабы Твои, Богородица, воспеваем победную и благодарственную песнь. Ты же, имеющая силу непобедимую, освобождай нас от всяких бед, чтобы мы взывали к Тебе: радуйся, Невеста, в брак не вступившая!
Русский перевод (митрополита Филарета)
Бранноподвизающейся за нас военачальнице дары победные и, как избавленные от бед, дары благодарственные приносим Тебе, Богородице, мы, рабы Твои: но Ты, как имеющая державу непреоборимую, освободи нас от всяких опасностей, да взываем Тебе: радуйся, Невеста неневестная!
Русский перевод (о. Амвросия, в миру Д. А. Тимрота)
Тебе, Высшей Обороняющей нас Военачальнице / за избавление от страшных бед / учреждаем Тебе торжества победы благодарственные / мы, рабы Твои, Богородица! / Но Ты, как имеющая власть необоримую, / от всяческих опасностей нас освободи, / да взываем Тебе: / Радуйся, Невеста, брака не познавшая!
Немного о смысле:
Взбранной Воеводе победительная, яко избавльшеся от злых, благодарственная восписуем Ти раби Твой, Богородице, но яко имущая державу непобедимую, от всяких нас бед свободи, да зовем Ти: радуйся, Невесто Неневестная.
Взбранной Воеводе – непобедимой Воеводе (взбранный – непобедимый в бранях – сражениях). Победительная – победное (пение, то есть победную песнь). Яко избавльшеся от злых – так как избавились (буквально: как избавившиеся) от зла (от бед). Благодарственная – благодарственное (благодарственную песнь). Восписуем Ти – воспеваем (буквально: пишем) Тебе. Яко имущая державу – (Ты), как имеющая силу. Неневестная – не вступившая в брак (буквальный перевод греческого слова).
+ Акафист Пресвятой Богородице, начинающийся этим кондаком, написан в VII веке в Константинополе. Это – первый (и прекраснейший) из акафистов, ставший образцом для всех последующих. Все 12 икосов акафиста заканчиваются многократными «перепевами» Архангельского приветствия Пресвятой Деве – «радуйся!», заключительное из которых – Радуйся, Невесто Неневестная! Мы величаем небесную чистоту Неискусобрачной Девы, неизреченно родившей Христа Бога нашего, и в Своей чистоте «Честнейшая Херувим» Невеста Неневестная предстает пред нами как величайшая воительница с силами зла – Взбранная Воевода, имущая державу непобедимую.
Радуйся, Невесто Неневестная! Если мы обратимся к греческому языку, на котором написан акафист, то увидим, что все эти три слова, буквальной точностью переведенные на церковнославянский язык и вошедшие в наше религиозное сознание, должны были восприниматься греками несколько иначе, чем воспринимаем их мы.
Радуйся – приветствие Архангела Гавриила, донесенное до нас Евангелием, — и до Рождества Христова, и после него было на греческом языке обычным приветствием – тем же, что наше «здравствуй». В явлении Ангела, в его дивных и таинственных словах внутренний смысл приветствия, забываемый в обыденной жизни, конечно, обновился и засиял со всею силой; акафист Пресвятой Богородице (и всякий позднейший вдохновенно сочиненный акафист), весь пронизанный этим «радуйся!» и искрящийся радостью величания, также воскрешает дремлющее в обыденном языке значение греческого слова. Но в русском (и древнерусском) языке приветствовали друг друга не словом «радуйся», а словом «здравствуй» (в котором мы обычно забываем пожелания здоровья). «Радуйся» остается для нас словом всегда более насыщенным, особенным – осознанным словом о радости, неповторимым приветствием для пречистой Девы Марии и святых Божиих.
Невесто Неневестная – прямой, буквальный перевод двух греческих слов. Церковнословянскому невеста соответствует греческое слово «нимфа», которое означает не только девушку-невесту, но и новобрачную жену, и молодую женщину. Новый Завет (и греческий перевод Библии) придал этому слову огромную мистическую глубину: Невеста Агнца в Откровении Иоанна Богослова (Откр. 19, 7; 21, 22, 17) не только предназначена Ему, но и стоит с Ним в таинственном браке; это образ и Богоматери, и Церкви (в ней мы узнаем невесту Песни Песней и прочих книг Писания). А греческое слово, переведенное славянским словом неневестная – это отрицательная форма от первого слова, означающая «не вступившая в брак»; это слово было вполне обычно для греческого языка. Для греческого, но не для славянского! Ведь в славянском невеста – это именно не-ведомая, непознанная (то есть как раз то, чему соответствует греческое неневестная) девушка, не вступившая в брак, хотя и предназначенная к нему; слово само несет в себе значение чистоты. Внутри славянского языка слово неневестная труднообъяснимо. Оно вносит новый оттенок смысла в выражение акафиста: Чистая Невеста, но – Неневестная, не обыкновенная, не сопоставимая ни с какой иной невестой.
Другие славянские эпитеты Богородицы, соответствующие слову Неневестная, — Неискусобрачная, Неискусомужняя.
Взбранной Воеводе победительная… Эти слова почти все мы привыкли на слух воспринимать как единое целое, поэтому не чувствуем структуру фразы (достаточно простую): (кому?) — Взбранной Воеводе (мы) восписуем (что?) — победительная благодарственная, то есть победную благодарственную песнь, (почему?) — яко избавльшеся от злых: так как избавились от бед. Вот и вся премудрость!
Пресвятая Богородица, спаси нас!